Noticias

K’a’anan u ts’a’abal u si’ipil je’el ba’axak péech’ óolal ka yanak yóok’ol u yóol maaya kaaj: Víctor Mas

lajornadamaya.mx
Oochel Rodrigo Díaz Guzmán
K’iintsil

Tulum, Quintana Roo
Viernes 18 ti’ enero, 2019

U ts’aatáanta’al miatsil yéetel maaya t’aan, u mu’uk’ankúunsa’al yéetel u péektsilta’al ba’alo’ob ti’al u yutsil máasewáal kaajo’ob, beyxan u je’ets’el si’ipil yóok’ol je’el ba’axak péech’óolal bíin yanak tu yóok’olo’obe’, jump’éel ba’al k’a’anan u beeta’al, beey úuchik u ya’alik u jala’achil Tulum Víctor Mas Tah.

Tu súutukil úuchik u jo’olbesik u k’a’amal u k’iimbesajil Año Internacional de la Lengua Indígena yaan u beeta’al Casa de la Cultura de Cobá, leti’e’ tu chíimpoltaj u noj ba’alil Tulum ti’al maaya kaaj, le beetike’, tu k’aabe’ p’aatal u noj meyajil u kaláanta’al u k’ajla’ayil yéetel u miatsil, je’el bix u yúuchben kaajilo’ob Tulum, Cobá yéetel Xel Há, tumen le kaaja’ jump’éel k’a’anan kúuchil yanchaj ti’ le miatsilo’, ts’o’okole’ noj ba’al k ti’al k méek’a’al tumen leti’.

“Le beetike’, t xíimbaltaj jump’éel ti’ u asab k’a’abanil kaajo’ob yaan ti’ miatsil maayai’ ti’al k k’iimbesik mokt’aan je’ets’ tumen Organización de las Naciones Unidas ti’al u kaláanta’al yéetel mu’uk’ankúunsa’al máasewáalo’ob ti’ tuláakal u noj lu’umil México, ba’ale’ weye’ leti’e’ maaya t’aano’, le beetik yaan u péektsilta’al ka ka’ansa’ak paalal ti’ najilo’ob xook yaan ti’ tuláakal k noj kaajila’”, tu ya’alaj.

Ma’ unaj u sublaktal máak tumen ku t’anik maaya, tumen k’a’anan ma’ u p’a’atal chéen beyo’, ayik’al ba’al p’a’at to’on tumen k ch’i’ibalo’ob, le beetik noj ba’al k tsikbal ich maaya ichilo’on, ich kaaj, tu ya’alaj Víctor Mas.

“Tulume’ jump’éel kaaj tu’ux unaj u yantal múul meyaj ichil u yóoxjatsil jala’ach, ti’al u páajtal u yantal meyajo’ob yéetel u páajtal u ka’ansa’al maaya t’aan”, tu ya’alaj.

0 comments on “K’a’anan u ts’a’abal u si’ipil je’el ba’axak péech’ óolal ka yanak yóok’ol u yóol maaya kaaj: Víctor Mas

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: