Agenda

Ko árape oñepyrũ Ypykuéra Ñe’ẽita Arapokõindy oikótava FIL 2019-pe

spl.gov.py

Paraguái Ñe’ẽnguéra Sãmbyhyha (PÑS) ombosako’i “Semana de las lenguas indígenas” ha hyepýpe oñehesa’ỹijóta heta arandupy ko arakõi 3 jasypoteĩ guive, ág̃a arapoteĩ 7 peve, Feria Internacional del Libro 2019 aja (Centro de Convenciones del Mcal. López, Villa Morra, Paraguay távape). Umi aty oikótava, reínte ojeikekuaahápe, oĩ avei Ypykuéra Ñe’ẽita Ay Yvy’ape Ári ryepýpe.

Ág̃a arakõi 3 jasypoteĩme, 17 aravo jave, Koty “Cacique Andres Chemei”-pe, oñehesa’ỹijóta amandaje hérava “Las lenguas indígenas en el contexto nacional y latinoamericano”. Upépe, Alba Duarte ohesa’ỹijóta “Desafíos de las Lenguas Indígenas en el contexto urbano”; upe rire, pa’i Bartomeu Melià ohesa’ỹijóta “Presente y futuro de las Lenguas Indígenas en Paraguay”.

Ko amandajépe, Paraguái Ñe’ẽnguéra Sãmbyhyhára, Ladislaa Alcaraz de Silvero, ohesa’ỹijóta “Gestión de las lenguas indígenas desde la SPL”; upe rire, karai arandu peru-gua, José Antonio Vázquez, ohesa’ỹijóta “La promoción de la tradición oral en lenguas originarias y castellano en la escuela intercultural – Caso Perú”.

Ág̃a araapy 4 jasypoteĩme, 09:00 aravo guive 10:30 peve, Koty “Antonio Ortiz Mayans”-pe, ojehechaukáta ypykuéra “Manjui” rehegua ta’angamýi, PÑS rembiapokue, Prociencia (Conacyt) ñepytyvõ rupive, oikéva apopyrã “Rescate Lingüístico del Pueblo Lumnana” ryepýpe.

Upe árape avei, 10:30 aravo guive 12:00 peve, Koty “Antonio Ortiz Mayans”-pe, oñeñomongeta guasúta “Medio ambiente y lenguas indígenas” rehe, upépe oñe’ẽta karai Jorge Servín “Tierra, Territorio y Lenguas Indígenas” rehe, ha upéi, kuñakarai ypykuérava, María Luisa Duarte, oñe’ẽta “Medio ambiente, territorios y lenguas indígenas” rehe.

Ág̃a ararundy 5 jasypoteĩme, 09:30 aravo guive 10:30 peve, Koty “Antonio Ortiz Mayans”-pe, ojehechauka jeýta ypykuéra rehegua ta’angamýi “Baile Mbyky de los Guaná”, PÑS ojapova’ekue, Río Apa pegua Guaná-kuéra ndive.

Upe árape avei, 10:30 aravo guive 12:00 peve, Koty “Antonio Ortiz Mayans”-pe, oñehesa’ỹijóta “Desafíos de la educación superior desde la perspectiva de la interculturalidad”. Upépe, kuñakarai katupyry, Marilin Renfeld, oñe’ẽta “Educación Superior y Pueblos indígenas en el siglo XXI” rehe; upe rire, kuñakarai katupyry, Norma Marecos, ohesa’ỹijóta “Políticas regionales en relación a la interculturalidad – CRES 2018”. Ko amandaje ombosako’i oñondive PÑS ha Agencia Nacional de Acreditación y Evaluación de la Educación Superior (ANEAES).

Ág̃a arapo 6 jasypoteĩme, 09:00 aravo guive 10:30 peve, Koty “Antonio Ortiz Mayans”-pe, ojehechauka jeýta ypykuéra rehegua ta’angamýi “Altanema-Seiana’. Los Enenlhet, su territorio y los paraguayos”, Hannes Kalisch ha Lanto’oy’ Unruh rembiapokue.

Upe árape avei, 10:30 aravo guive 12:00 peve, Koty “Antonio Ortiz Mayans”-pe, oñehesa’ỹijóta “Lenguas indígenas y educación indígena en Paraguay”. Dirección General de Educación Escolar Indígena, Tekombo’e ha Tembikuaa Motenondeha guive, oñehesa’ỹijóta “Educación inicial en lengua materna” ha “Tratamiento de la lengua propia en la Educación Media”. Upe rire, pa’i José Zanardini oñe’ẽta “Desafíos en la formación de docentes indígenas” rehe. Ko aty ombosako’i oñondive PÑS ha TTM.

Ág̃a arapoteĩ 7 jasypoteĩme, 09:00 aravo guive 10:30 peve, Koty “Antonio Ortiz Mayans”-pe, ojehechauka jeýta ypykuéra rehegua ta’angamýi “Vana Peema. Proceso de Revitalización y Documentación de la Lengua Guaná”, PÑS rembiapokue.

Upe árape avei, 10:30 aravo guive 12:00 peve, Koty “Antonio Ortiz Mayans”-pe, oñehesa’ỹijóta mba’ekuaa hérava “Arte, lengua y cultura indígena”, aty ombosako’íva oñondive Instituto Superior de Bellas Artes (ISBA) ha PÑS.

 

 

0 comments on “Ko árape oñepyrũ Ypykuéra Ñe’ẽita Arapokõindy oikótava FIL 2019-pe

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: